Het die mens 'n "onsterflike siel"?

Die meeste godsdienste en filosofieë wil die bestaan van ‘n “onsterflike siel” promoveer. Baie in die afvallige Christendom glo in die leerstelling asof hul lewens letterlik daarvan afhang. Baie meer neem aan dat die leerstelling in die Bybel voorkom. Nee, dit kom nie in een teks in die Bybel voor nie!

Die leer van ‘n “onsterflike siel” kom lank voor Judaisme, Christendom, Hindoeisme, Boedisme en Islam af aan. So waar kry hulle almal dan die leersteling? By die Egitenare! Die griekse historiograaf, Herodotus (hy het geleef in die 5de eeu vC) was die eerste om die skokkende feit aan die wêreld te skryf in sy boek “History”. Min wil dit weet!

Hoekom glo die meeste godsdienste aan ‘n “onsterflike siel”? Dit gee hulle ‘n soort van gemoedsrus dat hulle self nie eintlik gaan sterf nie, net hul fisiese liggaam. Klink dit bekend?

Gen 3:4 Toe sê die slang vir die vrou: Julle sal gewis nie sterwe nie;

So dit is waar die Egiptenare dit gekry het! Net soos Adam en Eva het hulle dit van die slang ‘van ouds’ gekry, die duiwel, Satan, die groot verleier en bedrieër.

Open 20:2 Hy het die draak, die slang van ouds, wat die duiwel en die Satan is, gegryp en hom vir duisend jaar vasgebind.

Hy is nog net so listig en doen sy werk getrou!!! Kyk en hoor rondom ons.

Wat sê die Skrifte oor die ontstaan van ‘n siel?:

Gen 2:7 En die HERE God het die mens geformeer uit die stof van die aarde en in sy neus die asem van die lewe geblaas. So het dan die mens ‘n lewende siel geword.

God het stof geneem, Sy asem daarin geblaas en die mens het ‘n lewende siel geword. Daar het ons dit: ons het nie ‘n siel soos die godsdienste wil voorgee nie, maar ons IS ‘n siel.

Kan ‘n ‘lewende siel’ sterf / vergaan / verderf? Wat sê die Skrifte?

Eseg 18:4 Kyk, al die siele is myne; soos die siel van die vader, so die siel van die seun—hulle is myne; die siel wat sondig, dié moet sterwe.

Tweede getuie:

Eseg18:20 Die siel wat sondig, dié moet sterwe; die seun sal nie die ongeregtigheid van die vader help dra nie, en die vader sal nie die ongeregtigheid van die seun help dra nie; die geregtigheid van die regverdige sal op hom wees, en die goddeloosheid van die goddelose sal op hom wees.

Derde getuie:

Mat 10:28 (Ou Vertaling) En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel [oorspronklike Grieks is “geena” – die vuur]. Mat 10:28 (Nuwe Vertaling) Moenie bang wees vir dié wat die liggaam doodmaak, maar die siel nie kan doodmaak nie. Nee, vrees Hom eerder wat sowel die liggaam as die siel in die hel kan laat vergaan.

Vierde getuie:

Hand 2:27 (Ou Vertaling) Want U sal my siel nie aan die doderyk oorlaat of u Heilige oorgee om verderwing te sien nie. Hand 2:27 (Nuwe Vertaling) want U sal my nie aan die doderyk oorlaat nie; U sal nie toelaat dat u troue dienaar vergaan nie.

Die getuies almal stem saam dat ‘n siel kan sterf / vergaan / verderwe! Net ‘n geestelike blinde persoon sal met hierdie getuies wil stry.

Baie lieflike, opregte en eerlike gelowiges word binne die afvallige Christendom vasgehou uit vrees vir die hel, en glo gerieflikheidshalwe aan hierdie valse leer van ‘n “onsterflike siel” wat voortleef onmiddellik na ons fisiese dood.

Die siel word wel deur God (die Vuur) vernietig:

Mat 10:28 (Ou Vertaling) En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel [oorspronklike Grieks is “geena” – die vuur].

Min glo dat God regtig instaat is om mense van voor af nuut te maak (in gees) soos al die Skrifte dan ook getuig.

Jer 18:4 En die voorwerp wat hy besig was om te maak, het misluk—soos dit gaan met klei in die hand van die pottebakker—maar hy het daaruit weer ‘n ander voorwerp gemaak soos dit in die oë van die pottebakker reg was om dit te maak.