God is soewerein!

Soewereiniteit se betekenis volgens die woordeboek:
1. Oppermagtige heerskappy, oppermag.
2. Wetlik erkende oppergesag.

Is God in beheer van alles of is Hy nie in beheer van alles nie. As Hy nie in beheer van alles is nie, wie is dan? Die natuurlike mens kan nie God in beheer van alles sien nie. Hy sien homself in beheer in die sin van God gee hom (die mens) ‘n “vrye” wil. Hy sien ook dat Satan so ‘n “vrye” wil het. Dit is natuurlik ‘die wysheid van die wêreld’ waaraan almal van geboorte onderworpe is (soos deur God bepaal):

1Kor 2:14 Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.
1Kor 2:15 Maar die geestelike mens beoordeel wel alle dinge; self egter word hy deur niemand beoordeel nie.

1Kor 3:19 want die wysheid van hierdie wêreld is dwaasheid by God; want daar is geskrywe: Hy wat die wyse mense in hulle listigheid vang;

God neem verantwoordelikheid vir alles wat in Sy skepping gebeur:

Jes 46:9 Dink aan wat vroeër gebeur het, lank gelede; Ek is God, daar is geen ander nie; Ek is God, daar is niemand soos Ek nie.
Jes 46:10 Ek kondig vantevore aan wat later sal kom, lank tevore al wat nog nie gebeur het nie. Ek sê wat Ek besluit het en dit gebeur, wat Ek wil, doen Ek.

God is alwetend:

1Jn 3:20 want as ons hart ons veroordeel, God is meer as ons hart, en Hy weet alles.

Joh 16:30 Nou weet ons dat U alles weet en nie nodig het dat iemand U iets vra nie. Daarom glo ons dat U van God uitgegaan het.

Reeds lank voor ons geboorte is elke minuut van elke dag reeds beplan en bepaal, iets wat die natuurlike mens teen baklei met alles wat hy het:

Psa 139:16 U oë het my ongevormde klomp gesien; en in u boek is hulle almal opgeskrywe: dae dat alles bepaal was, toe nog geeneen van hulle daar was nie.

God het geweet Adam en Eva (en ons) sou sondig toe die mens deur hom gevorm was?

Gen 2:7 En die HERE God het die mens geformeer uit die stof van die aarde en in sy neus die asem van die lewe geblaas. So het dan die mens ‘n lewende siel geword.

Jer 18:4 En die voorwerp wat hy besig was om te maak, het misluk soos dit gaan met klei in die hand van die pottebakker, maar hy het daaruit weer ‘n ander voorwerp gemaak soos dit in die oë van die pottebakker reg was om dit te maak.

Rom 8:20 Die skepping is immers nog aan verydeling onderworpe, nie uit eie keuse nie, maar omdat God dit daaraan onderwerp het. Daarby het Hy die belofte van hoop gegee:

Psa 51:7 Kyk, in ongeregtigheid is ek gebore, en in sonde het my moeder my ontvang.

1Kor 15:50 Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie.

Kyk hoe het Adam en Eva se harte gelyk by hul skepping:

Jer 17:9 Bedrieglik is die hart bo alle dinge, ja, verdorwe is dit; wie kan dit ken?

Mat 5:28 Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.

Vlees (en bloed) was nooit veronderstel om vir ewig te lewe nie. Dit is tydelik (stof). God gaan alles oormaak soos die pot in die hande van die Pottebakker. God weet wat Hy doen. God is nie besig met plan B of plan C, nee Hy is met die oorspronkilke plan besig. Dit is die mens wat nie weet wat God doen nie, self die ‘wyses van die wêreld’ het geen leidraad nie.

Die volgende Skrifte laat die natuurlike mens rooi van woede:

Efes 1:11 in Hom in wie ons ook ‘n erfdeel ontvang het nadat ons vantevore daartoe verordineer is ooreenkomstig die voorneme van Hom wat alles werk volgens die raad van sy wil,

Rom 11:36 Want uit Hom en deur Hom en tot Hom is alle dinge. Syne is die heerlikheid tot in ewigheid. Amen.

Joh 19:10 En Pilatus sê vir Hom: Praat U nie met my nie? Weet U nie dat ek mag het om U te kruisig en mag het om U los te laat nie?
Joh 19:11 Jesus antwoord: U sou geen mag teen My hê as dit u nie van bo gegee was nie. Daarom het hy wat My aan u oorlewer, groter sonde.

Jes 45:7 wat die lig formeer en die duisternis skep, die heil bewerk en die onheil skep: Ek, die HERE, is dit wat al hierdie dinge doen.

Die natuurlike mens skop en trap teen hierdie waarhede en vra: ‘Nou waarom sal God dan al die onheil, duisternis en verdrukkinge skep?’

Rom 9:20 Maar tog, o mens, wie is jy wat teen God antwoord? Die maaksel kan tog nie vir die maker sê: Waarom het u my so gemaak nie?
Rom 9:21 Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie?

Heb 2:10 Want dit het Hom betaam, ter wille van wie alle dinge en deur wie alle dinge is, as Hy baie kinders na die heerlikheid wou bring, om die bewerker van hulle saligheid deur lyde te volmaak.

Hand 14:22 en die siele van die dissipels versterk en hulle vermaan om in die geloof te bly deur te sê: Ons moet deur baie verdrukkinge in die koninkryk van God ingaan.

God is in beheer van alles wat in ons lewens gebeur. Hy het alles beplan en bepaal. Ons kan niks doen om dit te vermy nie. God het dit in sy boek geskryf om te gebeur. Hieroor is die natuurlike mens baie ongelukkig en sal die genoemde Skrifte as die waarheid erken, maar kan dit nie glo as God nie die geloof skenk nie.

Efes 2:8 Want uit genade is julle gered, deur die geloof, en dit nie uit julleself nie: dit is die gawe van God;
Efes 2:9 nie uit die werke nie, sodat niemand mag roem nie.
Efes 2:10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.

Jer 10:23 Ek weet, o HERE, dat aan die mens sy weg nie toebehoort nie; nie aan ‘n man om te loop en sy voetstappe te rig nie.