Hoekom maak God wette as Hy weet ons gaan dit breek?

Waarom maak God wette as Hy weet die mens gaan dit breek?

Rom 3:3-4 Want wat maak dit as sommige ontrou geword het? Sal hulle ontrou miskien die getrouheid van God vernietig? Nee, stellig nie! Maar God moet waaragtig wees en elke mens leuenagtig, soos geskrywe is: Sodat U geregverdig kan word in u woorde en oorwin as U gerig hou.

Rom 3:19 Nou weet ons dat alles wat die wet sê, hy dit sê vir die wat onder die wet is, sodat elke mond gestop en die hele wêreld voor God doemwaardig [Nuwe Vertaling: “strafwaardig”] kan wees;

Almal is ‘doemwaardig’ omdat ons slegs deur die heilige Wet van God (‘soos ‘n basuin’) oopgevlek word dat ons ons toestand kan sien:

Jes 58:1 Roep uit die keel, hou nie terug nie, verhef jou stem soos ‘n basuin! En verkondig aan my volk hulle oortreding en aan die huis van Jakob hulle sondes

Rom 3:20 aangesien uit die werke van die wet geen vlees voor Hom geregverdig sal word nie, want deur die wet is die kennis van sonde.


Die natuurlike mens het geen idee hoe boos hy is van sy begin af nie, en hoe hy so geword het nie. Hy oortuig dus homself dat hy die wet van God ten volle hou, meer as ander rondom hom. Maar al sou dit moontlik wees vir ons om die uiterlike wette te kon hou, is ons innerlike en onsigbare gedagtes en drange oop en bloot voor God:

Mat 15:18 Maar wat by die mond uitkom, kom uit die hart, en dit is die dinge wat die mense onrein maak.

Wat gemaak met die innerlike versteekte boosheid van die hart?

Rom 3:21-24 Maar nou is die geregtigheid van God geopenbaar sonder die wet, terwyl die wet en die profete daarvan getuig, die geregtigheid naamlik van God deur die geloof in Jesus Christus vir almal en oor almal wat glo, want daar is geen onderskeid nie; want almal het gesondig en dit ontbreek hulle aan die heerlikheid van God, en hulle word deur sy genade sonder verdienste geregverdig deur die verlossing wat in Christus Jesus is.

Geloof is ‘n gawe van God en niemand kry dit omdat hy dit verdien nie!

Gal 3:11 En dat niemand deur die wet by God geregverdig word nie, is duidelik; want die regverdige sal uit die geloof lewe.

Ons eerste Adam (in ons vlees) is naak en van stof en benodig die vleeslike wet van God om hom in toom te hou, en dit is die enigste manier om dit ‘wettiglik’ te gebruik:

1Ti 1:8-10 Maar ons weet dat die wet goed is as iemand dit wettiglik gebruik en as hy weet dat die wet nie gegee is vir die regverdige nie, maar vir die wettelose en tugtelose mense, goddelose en sondaars, onheiliges en ongewydes, vadermoorders en moedermoorders, moordenaars, hoereerders, sodomiete, mensediewe, leuenaars, meinediges en wat daar anders met die gesonde leer in stryd is,

Die laaste Adam (Jesus Christus) is ‘Die Regverdige’ met ‘n totale nuwe wet, en die vleeslike wet is slegs gegee vir die ‘wettelose en tugtelose mense’ wat Jesus nooit is, was of sal wees nie.

Daarom geniet sommige (‘n baie klein groep uitverkorenes) ‘die geloof van Jesus’ sonder verdienste as ‘n geskenk van God in hul aardse eon, terwyl ‘die einde’ (dit is die res van God se skepping) dit later sal deelagtig word:

1Kor 15:22-24 Net soos almal deur hulle verbondenheid met Adam sterf, so sal almal in Christus lewend gemaak word. Maar daar is ‘n volgorde: die eersteling is Christus, daarna, by Christus se koms, dié wat aan Hom behoort. Daarna kom die einde, wanneer Hy die koningskap aan God die Vader oordra, nadat Hy elke mag, elke gesag en krag vernietig het.