Hoe weet God voor die tyd wat mens gaan doen?

God het geweet wat Adam en Eva sou doen voordat Hy hulle geskep het, want Hy het dit alles in Sy boek geskryf:

Psa 139:16 U oë het my ongevormde klomp gesien; en in u boek is hulle almal opgeskrywe: dae dat alles bepaal was, toe nog geeneen van hulle daar was nie.

Want God weet die einde van ‘n ding van die begin af:

Jes 46:10 wat van die begin af verkondig die einde, en van die voortyd af wat nog nie gebeur het nie; wat sê: My raad sal bestaan, en al wat my behaag, sal Ek doen;

Want mens kan niks doen op sy eie nie, of deur sy eie “vry” wil nie:

Jer 10:23 Ek weet, o HERE, dat aan die mens sy weg nie toebehoort nie; nie aan ‘n man om te loop en sy voetstappe te rig nie.

Want God ‘werk alles’ volgens Sy plan en doel!

Eph 1:11 in Hom in wie ons ook ‘n erfdeel ontvang het nadat ons vantevore daartoe verordineer is ooreenkomstig die voorneme van Hom wat alles werk volgens die raad van sy wil,

God werk selfs die goddelose vir die dag van onheil!

Spr 16:4 Alles het die HERE gemaak vir sy doel, ja, ook die goddelose vir die dag van onheil.

Want niks kan gebeur as God dit nie laat gebeur nie!

Amo 3:3 Sal twee met mekaar wandel tensy hulle eers afgespreek het?

Amo 3:4 Sal ‘n leeu brul in die woud as hy geen prooi het nie? Sal ‘n jong leeu sy stem uit sy lêplek laat hoor as hy niks gevang het nie?

Amo 3:5 Sal ‘n voël in ‘n net val op die grond as daar vir hom geen strik gestel is nie? Sal ‘n wip van die grond af opspring as dit glad nie gevang het nie?

Amo 3:6 Sal die basuin in die stad geblaas word en die bevolking nie skrik nie? Sal daar ‘n onheil in die stad voorval as die HERE dit nie bewerk het nie?


Oor die almag van God is die natuurlike mens baie ongelukkig want hy glo dit is hy wat alles doen:

- mediese en tegnologiese ontdekkings spog die mens mee!!!
- om tot bekering te kom, glo die mens word bepaal deur “vrye” wil!

Die natuurlike mens kan nie eens God se asem in sy longe erken nie, wat nog te sê om die bogenoemde Skriftekste te glo! Maar die natuurlike mens sal eendag met groot skok, knersing, geween moet erken dit was ALLES van God:

Rom 11:36 Want uit Hom en deur Hom en tot Hom is alle dinge. Syne is die heerlikheid tot in ewigheid. Amen.